Kryeministri Edi Rama është duke zhvilluar disa takime sot në Durrës, me banorët e prekur nga tërmeti, ku nuk kanë munguar as problematikat e shprehura nga ana e tyre.
Një prej qytetarëve i tha Ramës se, ndihmat po jepen në mënyrë jo të rregullt, mirëpo kreu i qeverisë gjeti një zgjidhje të menjëhershme, që qytetari të jepte vetë një dorë ndihmë për organizimin.
Rama u takua në Durrës dhe me Behgjet Pacollin, i cili ka ardhur në mbështetje të Shqipërisë në këtë situatë të jashtëzakonshme, duke sjellë ndihma ekonomike, por edhe ndihma në njerëz dhe në ushtri.
