Efektivët e Komisariatit të Policisë Krujë kanë gjetur dhe shkatërruar një serrë me 20 mijë bimë narkotike të llojit kanabis sativa. Në pranga është vënë pronari i saj dhe në kërkim është shpallur një i ri. I arrestuari është identifikuar si Vesel Sala, 65 vjeç, banues në Krujë. Arrestimi i tij u bë sepse gjatë kontrollit të ushtruar në serrat e tij, në fshatin Aramera, Krujë, iu gjetën dhe iu asgjësuan me anë të djegies: rreth 20 000 bimë narkotike të dyshuara të llojit kanabis sativa. Gjithashtu, u shpall në kërkim dhe po punohet për kapjen e djalit të tij, shtetasit A. Sala, 40 vjeç, banues në Arameras. Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Kultivim të bimëve narkotike”.
