Rei Manaj është rikthyer në formën e tij më të mirë. Sulmuesi shqiptar po shkëlqen në Turqi, ku sot ka shtuar edhe dy gola të tjerë në statistikat e tij.
Futbollisti i Sivasporit gjeti fillimisht rrugën e rrjetës në minutën e 20 të takimit, kur me kokë arriti ta dërgonte topin pas shpinës së portierit.
Ndërkohë në pjesën e dytë të ndeshjes, kur kronometri po maste minutën e 67, Rei Manaj shënon një gol spektakolar. Lojtari shqiptar provon të djathtën e tij nga distanca me një goditje mjaft të fuqishme. Topi shkon në cepin e sipërm të portës, duke mos i lënë asnjë shans portierit të Trabzonsporit.
Ndeshja përfundoi më pas me shifrat 3-3 pasi Trezege barazoi në minutën e 76-të.
