Ministria e Shëndetësisë ka publikuar dje listën me drejtorët e rinj të spitaleve në kryeqytet dhe në rrethe si fitues të konkursit. Deputeti i PD, Bardh Spahia reagon duke thënë se konkurset e Ramës janë vetëm një mashtrim, pasi drejtuesit e shpallur si fitues të konkursit janë emra të njohur për lidhjet e tyre me PS.
“Vazhdon farsa e madhe e Edvin Rames me shëndetësinë dhe shëndetin e shqiptarëve! Në fund të gushtit 2017, Rama në një show të paprecedent kërkoi dorëheqjet e drejtorëve të spitaleve universitare dhe rajonale. Sipas tij faji për keqmenaxhimin e gjithçkaje në shëndetësi ishte vetëm i tyre. “Nuk mund të ketë më emërime partiake. Nesër ju duhet të jepni dorëheqjen një e nga një. Ekipet e reja do të zgjidhen me konkurs publik” pati pafytyrësinë të deklaronte Kryeministri. E sot pas një procesi aspak transparent u duk sa seriozisht i kishte këto deklarata”, thotë Spahia në reagimin e tij.
Ja ekipi i zgjedhur ” jopartiak” që do të drejtojë spitalet e vendit
1. Eduard Bejko, ish-deputet i PS do drejtojë Spitalin e Beratit.
2. Kryetari i Këshillit Bashkiak Durrës, Alban Ramohitaj do drejtojë Spitalin e Durrësit.
3. Eksponenti i PS në Dibër i akuzuar për blerje votash Spartak Koltraka do drejtojë spitalin atje.
4. Kandidati i PS në listën e Shkodrës Vilson Masmalaj emërohet drejtor i Spitalit Shkodër.
5. Drejtori i Spitalit të Traumës Arben Zenelaj njihet për lidhjet e fuqishme me të majtën, dhëndër i ish-zv/ministrit të Mbrojtjes në diktaturë, Jace Lulaj.
6. Drejtoresha e re e maternitetit, Eliona Demaliaj e njohur për lidhjet me të majtët në pushtet.
Qershia mbi tortë Enkel Joti, ish-drejtori i “Top Channel” i lidhur ngushtësisht me Ramën.
7. Perlat Kapisyzi këshilltar i Partisë Socialiste Minibashkia 2 viti 2004- 2008 bashkëshorti i zv/ministre MIRA RAKACOLLI.
8. Alban Ramohitaj nip i Halim Ramohitaj zv/ministër i Mbrojtjes në diktaturë në vitet ‘70.
9. Ismet Nika tropojan, anëtar i Kryesisë të PS Kukës.
Ky është konkursi Rama një megamashtrin.
