Ish-trajneri legjendar i basketbollit për femra në skudrën e Flamurtarit, Viron Toska, ka humbur betejën me Covid-19.
Toska u nda nga jeta në moshën 64 vjeçare, ndërkohë që kishte rreth dy javë që luftonte me virusin.
Viron Toska ka qenë prej më shumë se 20 vitesh trajneri i ekipit të femrave, teksa ia ka dalë të fitojë kampionate, kupa, duke e bërë Flamurtarin në basketboll për femra ekipin e pamposhtur dhe rekordmen në këtë sport.
Që prej marrjes së drejtimit të skuadrës në vitin 2000 deri më tani, Toska i ka dhënë ekipit të Flamurtarit 15 kampionate, ndërkohë që ka vendosur edhe rekordin si trajneri që në 10 vitet e fundit ka arritur të “korrë” plot 28 trofe, duke përfshirë këtu kupa, superkupa dhe kampionate.
