NGA NERITAN VLADI
Rrëzimi i regjimit komunist në Shqipëri do të ishte një lajm i mirë për çdo qytetar që shpresonte për ditë më të mira, për vendosjen e demokracisë që kishin ëndërruar.
Për fat të keq, në këto më shumë se tri dekada ndodhi ajo që as mendja më e mbrapsht nuk do ta mendonte ku fal një klase politike pasardhëse e të parëve e cila qeverisi me të njëjtin mentalitet dhe metoda epokën e tranzicionit, shqiptarët sot thërrasin sërish: “Liri, Demokraci”, “E duam Shqipërinë si gjithë Europa, apo në BE”.
Kjo ëndërr rinore, kjo thirrje që nisi të gjëmojë nga qyteti “Studenti” ka mbetur e tillë edhe pas 34 vitesh së rënies së diktaturës.
Elita drejtuese e partive politike të krijuara pas vitit 1990 në mënyrë dërrmuese pati pjesë të saj ish-komunistë, ish-sigurimsa, njerëz me funksione të larta në qeverisjen komuniste dhe ishin këta xhaketa të vjetra që në dakordësi me marrëveshje nën kulisa apo në heshtje i shërbyen vetes, klanit të tyre, të afërmve, por Shqipërinë e lanë shumë larg pritshmërisë së qytetarëve, duke ndërtuar një shtet ligjor me rregulla dhe ligje në funksion të vetes.
Klasa politike e xhaketave të vjetra sot gjendet e frikësuar nga llogaridhënia që po e pret, ku për pjesën dërrmuese të politikanëve të tranzicionit janë hapur hetime, ka indicie për të tjerë për korrupsionin e kryer me, apo pa dokumentacion.
Politikanët që kanë patur në dorë fatin e shqiptarëve për gati tri dekada e gjysëm sot ngjajnë si një ‘bishë e plagosur” që rënkojnë nga goditja që kanë nisur të marrin nga drejtësia e re dhe po ulërasin me shpresën që të mos iu ndodh gjë nga ky operacion i drejtësisë që kërkon dhe i thërret për llogaridhënie para shqiptarëve atyre që iu kanë besuar deri më sot.
Të tri brinjët e trekëndëshit të Bermundës si Berisha-Rama-Meta tashmë për herë të parë nuk kanë kontroll mbi drejtësinë.
Fal mbështetjes së partnerëve prokurorët e SPAK dhe gjyqtarët e GJKKO dhe integritetit të tyre ndihen të lirë të bëjnë punën profesionale.
Është kjo ajo që e ka tërbuar trekëndëshin që duke kontrolluar gjithçka në këtë vend, kanë pasur pushtet pa kufi, kanë kontrolluar duke emëruar dhe trysnuar prokurorë dhe gjyqtarë që asnjërit prej tyre dhe taborrit që i ndjek të mos i shkoj askush nga pas dhe ti vë nën hetim.
Fal partnerëve tanë SHBA, por dhe Britanisë së Madhe dhe BE, qoftë dhe Gjermanisë dhe Italisë Reforma në Drejtësi përparoi pavarësisht problemeve të vogla të shfaqura dhe po triumfon dita-ditës mbi politikën ku thuajse çdo ditë shohim si paradë mode të hyjnë dhe dalin në SPAK nivele të ndryshme politikanësh, ish-pushtetarësh dhe shtetarësh të cilët po iu përgjigjen pyetjeve të prokurorëve të posaçëm mbi atë çfarë kanë bërë në detyrat që kanë mbajtur.
Kjo klasë politike është e tmerruar.
Fletëthirrjet e SPAK ndaj zyrtarëve të korruptuar kanë qenë të pafundme dhe pritet të ketë serish për çdo të korruptuar me apo pa pushtet, ku secili do të jap llogari për abuzimin me taksat e qytetarëve shqiptarë apo dhe lidhjet e tij me krimin dhe korrupsionin.
Koha e urdhrave politikë mbi drejtësinë ka marrë fund. e ardhmja e shqiptarë nuk duhet te jetë peng e xhaketave të vjetra, tashmë dhe të grisura dhe shërbëtorëve të tyre të tipi Gaz Bardhi që prehen sipas qejfit në prehrin e padronit të radhës.
Kjo tallava politike duhet dhe do të marrë fund. Shqiptarët nuk e durojnë më këtë estradë, e kanë pohuar dhe me mospjesëmarrjen në zgjedhje ku sot ushtria më e madhe e votuesve është e atyre që refuzojnë të shkojnë tek kutia e votimit.
Shqipëria është e shqiptarëve, jo e maskarenjve!.
