Është rikthyer në detyrë mjeku Ilir Allkja, që para pak ditësh u shkarkuar pasi denoncoi mungesën e mjeteve mbrojtëse të mjekëve.
Lajmin e ka bërë të ditur vetë Allkja, me një mesazh në Facebook.
“Falë solidaritetit të mijëra njerëzve të thjeshtë të të gjitha moshave, kolegëve, miqve të mi brenda e jashtë Shqipërisë, gazetarëve dinjitozë, figurave të njohura të artit, punës, politikës por edhe administratës së QSUT, unë sot isha në punë në vijën e parë të luftës anti-Covid19 bashkë me kolegët e mi dhe do të jem çdo ditë!
Ju falënderoj të gjithëve!
Ne do t’ja dalim !
Mirënjohje pa fund për besimin e mbështetjen!”, shkruan Ilir Allkja.
