Kryeministri Rama është pritur me protesta në Vlorë në Ditën e Pavarësisë. Qindra protestues kanë dalë në shesh me parulla: “Ismail Qemali shpalli Pavarësinë, Edi Rama shpalli narkoshtetin”.
Protestuesit janë kryesisht të rinj. Në njërën prej parullave spikasin fotografitë e ish-ministrit të Brendshëm Saimir Tahiri nën hetim dhe të tre oficerëve të Policisë shpallur në kërkim: Jaeld Çela, Gjergj Kolhila dhe Sokol Bode. Po ashtu në sheshin e Flamurit janë vendiosur disa pako të improvizuara me hashash.
