Zlatan Ibrahimoviç i vetëpropozohet Milanit. Një nga emrat më të përfolur ose më të kërkuar gjatë merkatos verore është ai i bomberit suedez. Çdo sezon transferimesh rreth tij ngrihet pyetja se ku do të luajë Ibra. Ndryshe nga herët e kaluara, emri i sulmuesit ndoshta nuk është lakuar shumë për shkak të dëmtimit të rëndë që pësoi në gju. Pavarësisht këtij fakti, interesi për Ibrën nga disa ekipe nuk mungon dhe njëri prej tyre është pikërisht Milani. Kuqezinjtë në mënyrë krejt të papritur, kanë marrë një ftesë nga ana e 35-vjeçarit. Sulmuesi në një intervistë të dhënë për mediat italiane, ka dhënë garanci absolute se në tetor ai do të jetë i gatshëm t’i rikthehet fushës së blertë. Nisur nga kjo deklaratë Ibra mesa duket ka djegur etapat e rikuperimit dhe e pëlqen idenë e rikthimit tek Milani.
Nga ana tjetër dyshja e kuqezinjve Fassone-Mirabelli pasi morën sinjalin janë vënë menjëherë në lëvizje, për të përgatitur goditjen e fundit në merkato dhe do të jetë një goditje e dyfishtë për vijën e parë të sulmit, Ibra-Kaliniç, ky i fundit pritet të transferohet në ditët në vazhdim, ndërsa për suedezin vendimi përfundimtar do të jepet pas datës 15 gusht. Zlatan ka kërkuar kontratë 1-vjecare dhe 7 milionë euro në sezon. Kupola drejtuese e Milanit është vënë në lëvizje ditët e ardhshme, ndoshta mund të vijë dhe goditja e shumëpritur. Titulli i fundit kampion për Milanin u fitua më 2011 me Zlatan, falë Zlatan ndoshta këtë herë nëse transferimi realizohet mund të shpresohet sërish tek ky trofe.
Serie A
Inter i prish punë Liverpool për Naby Keitan. “The Reds” prej kohësh duan të sigurojnë shërbimet e yllit të RB Leipzig, por së fundmi në garë për lojtarin janë vendosur edhe zikaltërit. Akordi mes klubit anglez dhe gjerman nuk është gjetur dhe ekipi milanez kërkon të përfitojë nga ky fakt për të tentuar firmën me 22-vjeçarin.
Genoa është në kërkim të një mbrojtësi qendre me eksperiencë për të përforcuar sa më mirë skuadrën. Presidenti Preziosi shikon në Milano për të gjetur profilin e duhur të lojtarit që i duhet. Në “radarë” është interisti Andrea Ranocchia dhe Cristian Zapata, por për këtë të fundit problem mbetet paga e lartë.
