Pas reagimit të ambasadorit amerikan, Donald Lu në lidhje me arrestimin apo jo të Saimir Tahirit, ai pati një takim me kreun e Partisë Demokratike, Lulzim Bashën.
Në takimin, ku ka qenë e pranishme edhe kryetarja e delegacionit të Bashkimit Europian, Romana Vlahutin, mësohet se Basha ka folur për provat dhe faktet që disponon Partia Demokratike në procesin Tahiri.
Opozita i është bashkuar qëndrimit të prokurorisë se ministrat e qeverisë Rama i dhanë mbështetje bandës së Habilajve për trafikun e drogës. Përveç atyre që kanë dalë në media, mendohet se opozita ka fakte dhe prova të tjera që përfshijnë ministra të tjerë veç Saimir Tahirit në kontakt me Habilajt.