Gjatë një vizite tek “Filipi Company” në Sanxhak, kryetari i Partisë Demokratike, Lulzim Basha, u pyet për marrëveshjen që kryeministri Rama firmosi me kryeminsitren e Italisë për një qendër pritje të emigrantëve në Shëngjin.
Basha kërkoi që Edi Rama duhet të bejë urgjentisht transparencë për marrëveshjen e firmosur për emigrantët.
“Nga njëra anë përze shqiptarët, nga ana tjetër kërkon të marrë emigrant të paligjshëm. Italia është një vënd mik, por interesat kombëtare janë parësore, vetëm transparenca tregon nëse cënohen apo jo interesat e shqiptarëve”, – u shpreh Basha.
Menjëherë pas publikimit të lajmit, Partia Demokratike ka kerkuar interpelancë urgjente me kryeministrin për këtë marrëveshje.
