Ish-anëtari i Këshillit Mbikëqyrës të Bankës së Shqipërisë, Arben Malaj ka kërkuar sot të përballet në sallën e gjyqit me përfaqësuesit e Kuvendit, të cilët ai i padit për largim të padrejtë nga detyra.
Malaj në dokumentin e dorëzuar në gjykatë shprehet se përballja e tij nuk do të jetë individuale por për të rikthyer besimin dhe larguar njëherë e përgjithmonë frikën e krijuar tek njerëzit për të thënë fjalën e lirë.
I shkarkuar nga detyra vetëm se tha hapur qëndrimet e tij kundër qeverisë Rama, Malaj u shpreh se të drejtën e tij do ta kërkojë edhe në Gjykatën e Strazburgut.
