Jens Lehmann beson se, Thierry Henry ishte lojtari më i mirë në botë, kur ishte tek Arsenali, por ka zbuluar se si sulmuesi francez e ka ndihmuar në përmirësimin e lojës së tij të përgjithshme, duke e inkurajuar atë që të punojë më shumë në trajnim. Lehmann u bashkua me “Gunners” në vitin 2003 dhe ka luajtur çdo ndeshje si titullar kur Arsene Wenger bëri histori, duke fituar titullin e Premier League pa humbur një ndeshje të vetme. Në autobiografinë e tij të re, që zbulon portierin, gjermani ndalet edhe mbi atë që ishte francezi. “Gjatë viteve, unë kam qenë me fat që kam pasur kënaqësinë e të luajturit me shumë futbollistë të mirë, nga Olaf Thon te Lotar Mateus dhe Andi Moller, – shkroi Lehmann në një ekstrakt të veçantë të lëshuar për “OMNISPORT”.
– Në fund, megjithatë, ishte Henry, ai që më ka impresionuar më shumë mua. Jo vetëm me shpejtësinë dhe spektaklin në fushë, por në mënyrë shumë të ndryshme me personalitetin inteligjent të tij. Për mua, Thierry Henry i viteve tek Arsenali ishte lojtari më i mirë në botë. Me kalimin e kohës, ne kemi zhvilluar një marrëdhënie shumë, shumë të mirë, në bazë të vlerësimit të ndërsjellë”. Lehmann e gjeti të vështirë, kur Henry u largua nga Arsenali për Barcelonën në vitin 2007, duke pretenduar se nuk kishte asnjë më të mirë se francezi gjatë kohës së tij në veri të Londrës. “Unë isha shumë i mërzitur, kur Henry shkoi në Spanjë dhe nuk isha i vetmi. Të gjitha bashkëfutbollistët ishin në zi, sepse ai ishte bërë një lloj prone e përbashkët. Efektiviteti i tij shënues kishte fisnikëruar Premier League e tërë”, shtoi Lehmann.
