Italia do t’i hapë kufijtë më 3 qershor, megjithatë janë vendosur disa rregulla.
A mund të udhëtojë në Itali tani?
Gjatë muajit maj udhëtimi ndërkombëtar në Itali mbetet i mundur në rrethana të caktuara, megjithëse jo për turizëm.
Njerëzit që banojnë zyrtarisht në Itali, por që aktualisht janë jashtë shtetit, mund të kthehen në shtëpinë e tyre italiane, ndërsa kushdo që mund të demonstrojë se duhet të hyjë në vend për punë urgjente ose arsye shëndetësore ose në raste urgjente, gjithashtu do të lejohet të hyjë brenda.
Pas mbërritjes ata duhet të respektojnë një karantinë të detyrueshme 14-ditore, duke dhënë adresën ku ata do të izolohen dhe informojnë autoritetet lokale shëndetësore, shkruan The Local.
Të ardhurit nuk lejohen të përdorin transportin publik, kështu që ata duhet të kenë një makinë ose taksi.
Kur do të lejohet përsëri turizmi?
Shumica e kufizimeve të udhëtimit në Itali do të bien nga 3 qershori, që do të thotë se banorët dhe vizitorët njësoj mund të lëvizin lirshëm në të gjithë vendin për çfarëdo arsye – përfshirë turizmin.
Por, për turistët ndërkombëtarë, rregullat varen nga vendi ku po udhëtoni.
Dhe për çdo rregull bllokimi që heq, qeveria italiane ka theksuar se kufizimet mund të rimarrin nëse infeksionet rriten. Është e mundur që udhëtimi të jetë i kufizuar në pjesë të vendit edhe pas 3 qershorit, kështu që këshillohet kujdes para se të rezervoni ndonjë udhëtim.
