Ai që ishte nisur si një tubim paqësor midis dhjetra ambientalistëve dhe banorëve që mbronin mjedisin ku banojnë në Zall-Gjoçaj, kundër ndërtimit të HEC-ve, përfundoi në me një dhunë të paprecedentë nga policia.
Me pankarta, shumë paqësore, jo agresive, banorët vijuan për rreth 2 orë tubimin e tyre, derisa u shpërndanë me forcë nga efektivët, të cilët ishin të shumtë në numër krahasuar me banorët.
Por efektivët e policisë nuk ishin të vetëm, ato urdhëroheshin për të shoqëruar protestuesit nga 6 apo 7 persona të veshur civilë, të cilët nuk kishin emër identifikues.
Ky veprim i ‘dy individëve misteriozë’, u pa qartë nga gazetarja Fax News, Edona Haklaj, e cila i pyeti dy nga këto persona, se kush janë dhe pse po kërkojnë që të shpërndajnë turmën e banorëve.
Në vend të një përgjigje, gazetarja u refuzua me dhunë, duke u shtyrë nga efektivët civilë, ndërkohë që urdhëronin punonjësit e policisë që të shoqëronin qytetarët, të cilët po protestonin në mënyrë të ligjshme, siç edhe deklaruan.
Fax News ka zbardhur edhe emrat e dy efektivëve civilë të cilët shpërndanë protestuesit, dhe janë Krenar Gjokutaj, drejtor i forcave të posaçme të “Shqiponjave” si dhe Mynyr Muça, shef i Rendit tek komisariati numër 2.
Dhuna e paprecedentë e policisë ndaj qytetarëve që protestojnë, me pretendimin se po shpërndajnë turmën si pasojë e masave të ndërmarra kundër COVID-19, është bërë e shumë e zakonshme, ndërkohë që nuk respektohen as të drejtat minimale të Njeriut.
