Dy futbollistë të Kombëtares kuqezi sot kanë ditën e fundit të kontratës me klubet ku luajnë.
Bëhet fjalë për portierin e Empolit, Etrit Berisha dhe mbrojtësin e Leçes, Kastriot Dermaku. Të dyve ju përfundon kontrata sot më 30 qershor 2024 dhe do të jenë të lirë të nënshkruajnë me kë klub të dëshirojnë.
Emri i Berishës ka dalë në listën e atyre që po kërkohen nga Sampdoria e cila luan në Serinë B. Ata kërkojnë rikthimin në Serinë A dhe trajneri Andrea Pirlo do të dëshironte të kishe në skuadër portierin kuqezi.
Për Dermakun kanë qenë dy vite të vështira për shkak të dëmtimeve të njëpasnjëshme. Herën e fundit që ai ka luajtur ka qenë më 6 gusht të 2023 në ndeshje miqësore me Kadizin ku luajti 5 minuta.
