Një ngjarje horror ka ndodhur në Vlorë. Barinjtë e fshatit Karbunarë, kanë gjetur afër rrugës së vjetër të këtij fshati një kokë njeriu të prerë. Menjëherë barinjtë kanë njoftuar policinë, e cila ka nisur hetimet.
Koka është gjetur e shkëputur nga trupi, dhe ka një vrimë, e cila dyshohet të jetë shkaktuar nga një plumb. Koka u gjet në një parcelë, dhe kjo mendohet të jetë bërë qëllimisht, pasi në periudhat e dimrit në këto zona nuk ka thuajse fare lëvizje. Nisur nga gjendja e dekompozuar e kokës së prerë, dyshohet se ngjarja ka ndodhur rreth tre muaj më parë.
Një tjetër dyshim është se, personi mund të jetë vrarë diku tjetër, dhe koka mund të jetë shkëputur nga kafshët e egra. Koka e gjetur është dërguar për ekzaminim, ndërsa po vijojnë kërkimet për trupin e viktimës. Policia ka nisur hetimet edhe për rastet që janë denoncuar persona të zhdukur, për të arritur në identifikimin e viktimës.
Policia, pasi ka shkuar menjëherë në vendngjarje dhe ka konstatuar se koka është e dekompozuar.
Priten ekzaminimet laboratorike në lidhje me identifikimin dhe të çdo detaji tjetër në lidhje me këtë ngjarje.
Në lidhje me ngjarjen e rëndë të ndodhur në fshatin Roms të Vlorës mëngjesin e sotëm, ku u gjet një kokë njeriu pa trupin, një dëshmitar ka dhënë detaje për ‘News 24’ dhe ‘BalkanWeb’. Gjatë një lidhje telefonike, dëshmitari i cili është bari i zonës ka thënë se ishte duke kaluar në rrugë, kur ka gjetur kokën e njeriut sipër tokës.
“Po kaloja në Karabunarë, kur pashë sipër dheut një kokë njeriu. Nuk di gjë se kush mund të jetë, pasi sapo pashë kokën njoftova policinë dhe nuk e preka me dorë”, ka thënë dëshmitari. Më tej, ai është shprehur se zona kryesisht përdoret për kullota dhe nuk është shumë e banuar nga njerëzit.
Sipas burimeve, dyshohet se koka i përket një personi, i cili është vrarë para tre muajsh.
