Një shqetësim i dhënë dhe i ripërsëritur. Robert Lewandowski ka një dyshim: nuk është i sigurt nëse Bayerni do të mund të qëndrojë në nivelin e klubeve më të mëdha europiane. Drejtuesit bavarezë, në fakt kanë këmbëngulur se nuk do të çmenden për të shpenzuar shifra jashtë logjikës së merkatos. Mirëpo nëpër Europë, vetëm PSG shpenzoi 400 milionë euro për Neymar dhe Mbappe, ndërsa Barcelona 105 milionë, plus bonuset, për Dembele. Shuma më e madhe e shpenzuar nga Bayerni në merkaton e verës ishte 41.5 milionë për Tolisso. Lewa nuk beson se kjo është strategjia e duhur.
“40 milionë sot shpenzohen për futbollistë normalë, jo për më të mirët. Futbollistët e Bayernit po plaken, çdo skuadër ka nevojë për një lojtar të nivelit më të lartë çdo 2-3 vjet, për të rinovuar energjitë, përveçse për të sjellë më shumë cilësi. Klubet e tjera shpenzojnë shumë vetëm për një futbollist. Nëse Bayerni dëshiron të ketë më të mirët në botë, duhet të jetë më kreativ dhe të ndryshojë strategji”, u shpreh Lewandowski.
Bayerni, sipas “The Sun”, po punon për të gjetur zgjidhje, duke parë që nga Anglia janë të shumta skuadrat që kërkojnë sulmuesin polak. Mauro Icardi konsiderohet si zëvendësuesi ideal i Lewandowskit, por, për të arritur tek argjentinasi, kampionët e Bundesligës duhet të shpenzojnë shumë më tepër se 40 milionë.
Bayerni i Mynihut po punon mjaft intensivisht për të piketuar emrat që do të afrojë në merkaton e verës së ardhshme, pasi krahas përforcimeve do të duhet të mendojë edhe për të zëvendësuar lojtarët që do të largohen, apo ata të cilën nuk ofrojnë shumë garanci për shkak të moshës. Kështu, emri i parë i piketuar është ai i Julian Draxlerit të PSG-së, që shikohet si zëvendësuesi ideal i Franck Ribery-së, në të majtë të sulmit. Por bavarezët janë në kërkim edhe të një sulmuesi me peshë, që të marrë vendin e Lewandowskit, me polakun që e ka shprehur publikisht dëshirën për t’u larguar në fund të sezonit, me destinacion Madridin.
Emri më i preferuar nga gjermanët, është ai i kapitenit të Interit, Mauro Icardi, futbollist mjaft i ri në moshë dhe me një nuhatje të jashtëzakonëshme për golin. Icardi luan te Interi prej 2013-ës, por në rast se zikaltrit nuk ia dalin të kualifikohen në Champions këtë sezon, atëherë ai do të kërkonte largimin drejt një skuadre ku ka mundësi të fitojë trofe. Vera është ende larg, por që tani parashikohet të jetë mjaft e nxehtë edhe përsa i përket merkatos në futboll.
Bayern Munich është në kërkim të një zëvendësuesi për veteranin e krahut të djathtë, Franck Ribery, teksa Julian Draxler i PSG-së shpallet si një kandidat i çuditshëm. Sipas “France Football”, bavarezët po e konsiderojnë nënshkrimin e lojtarit të krahut të Gjermanisë verën e ardhshme, kur skadon kontrata e Ribery. Në fakt, kishte zëra që verën e kaluar se Bayern Munich donte të nënshkruante me Draxler. Por, me Ribery, Arjen Robben, James Rodriguez, Kingsley Coman dhe Thomas Muller në skuadër, bavarezët ishin pak të shkurtër në krahë dhe sulmuan mundësitë e mesfushës.
