I ftuar në një studio televizive, Azgan Haklaj, anëtar i Kryesisë së PD-së, ka zbuluar miqësinë e kreut të Partisë së Lirisë Ilir Meta me Charles Mcgonigal, ku pavarësisht hipokrizisë që shfaq në daljet e tij publike, Meta ka udhëtuar sëbashku me bashkëshorten e tij Monika Kryemadhi drejt SHBA-së, vizitë kjo e mundësuar nga Mcgonigal, sipas Haklajt.
“Ilir Meta ka patur mik Mark Rusinin, parardhësin e Charles Mcgonigal-it, ka patur mik Charles Mcgonigal-in, madje kanë udhëtuar dhe në Amerikë bashkë me zonjën Kryemadhi dhe kur u kthyen nga Amerika thanë që kemi vizituar familjen e Rrokfelerëve, të cilën ua ka mundësuar Charles Mcgonigal. Morën dhe vizën 10-vjeçare, tani atë vizë e kanë të revokuar nga SHBA.”,-u shpreh Haklaj.
