Pë çfarë i kërkoi ndihmë këngëtarja e njohur Cristiano Ronaldos

Cristiano Ronaldo është një nga sportistët që ka qenë shembull edhe jashtë fushe, duke ndihmuar fëmijët në nevojë.

Ylli portugez, me veprime të ndryshme, si donacione, ka fituar edhe më shumë zemrat e njerëzve në mbarë botën.

Pikërisht për gatishmërinë e CR7 për të ndihmuar kurdo dhe këdo që është nevoja, i është drejtuar atij këngëtarja amerikane P!Nk, e cila ka publikuar mbrëmë në orët e vona një mesazh që asnjë nga miliona ndjekësit e saj nuk e priste.

Ajo në këtë postim shkruan se dëshiron t’i bëjë të lumtur disa fëmijë, duke mos treguar shumë detaje, kush apo si – dhe sipas të cilës, ata s’duan asgjë tjetër pos fanellën e Cristiano Ronaldos për Krishtlindje.

Nuk ka vonuar shumë dhe ka reaguar CR7 duke thënë se, është i gatshëm të ndihmojë dhe të dërgojë fanella të nënshkruara për të bërë të lumtur fëmijët për Krishtlindje dhe Vitin e Ri.