Ballina Sport Ronaldo i ofron përkrahje futbollistit që po lufton për jetën

Ronaldo i ofron përkrahje futbollistit që po lufton për jetën

Cristiano Ronaldo i ka ofruar mbështetje futbollistit anglez në Australi, Danny Hodgson, i cili po lufton për jetën.

Hodgson, i cili luan për ECU Joondalup në Premierligën Kombëtare të Australisë, u shtrua në spitalin Mbretëror të Perthit, pasi u rrah brutalisht derisa po ecte në stacioni ne trenit më 4 shtator.

Sulmuesi anglez iu nënshtrua një operacioni emergjent, para se të vendosej në koma të përkohshme dhe tani po qëndron në njësinë e kujdesit intensiv në gjendje të qëndrueshme por kritike.

Hodgson i mbushi 26 vjet të dielën dhe yllin i Manchester Unitedit Ronaldo ia dërgoi atij një video mesazh personal për shënimin e këtij rasti.

“Përshëndetje Danny, sapo dëgjova për rastin tënd, shpresoj se do shërohesh shumë shpejt”, i tha Ronaldo Hodgsonit në video.

“Të ftoj të vish dhe ta shikosh një ndeshje tonë në Mançester, prandaj të uroj shërim të shpejtë. Kujdesu për veten”, shtoi ai.

Exit mobile version