Rishfaqet ISIS, sulmi terrorist në aeroportin e Kabulit i merr jetën 12 marinsave dhe dhjetra afganëve

12 marisna amerikanë dhe dhjetra afganë janë vrarë nga sulmi terrorist i ISIS në aeroportin e Kabulit. ISIS ka marrë zyrtarisht përgjegjësitë e shpërthimeve në aeroportin e Kabulit ditën e sotme.

Në një mesazh të postuar në Telegram, ISIS sqaron se një sulmues kamikaz ka plasur jelekun shpërthyes afër turmës për të vrarë dhjetëra njerëz.

Sqarohet se Shteti Islamik e ka identifikuar agresorin dhe e ka ditur që shpërthimi kishte për qëllim të kryhej mes qytetarëve afganë dhe forcave amerikane.

Gjatë gjithë ditës së sotme pati dyshime se ISIS do të kryente një akt terrorist. Fillimisht ishin agjencitë inteligjente perëndimore që dhanë alarmin, më pas ishin zyrtarët amerikanë që bënë përgjegjës filialin afgan të ISIS, Shtetin Islamik të Kharosan.