Mbërrin sot në Rinas avioni i parë me 300 afganë

Mbërrin sot në Rinas avioni i parë që sjell 300 shtetas afganë për t’u strehuar në Shqipëri, për shkak të situatës në Afganistan, ku talebanët kanë rimarrë kontrollin e vendit pas tërheqjes së trupave amerikane.

Sipas burimeve, avioni i parë me afganë pritet të mbërrijë brenda 24 orëve në Rinas. Afganët do të strehohen në struktura konviktore dhe hotelerie në Tiranë dhe Durrës dhe shpenzimet e akomodimit dhe ushqimit do të mbulohen nga NATO. Bëhet fjalë për një grup bashkëpunëtorësh të SHBA-ve, të cilëve iu rrezikohet jeta pas marrjes së Afganistanit nga talebanët.