Ballina Aktualitet Regjisori i njohur: Ky shtet ka rënë! Rama një burracak…

Regjisori i njohur: Ky shtet ka rënë! Rama një burracak…

Regjisori i njohur, Edmond Budina ka reaguar ashpër kundër VKM-së që përcakton kalimin e truallit të Teatrit Kombëtar në pronësi të Bashkisë së Tiranës.

Në një prononcim për mediat, Budina theksoi se VKM-ja në fjalë shkel rëndë Kushtetutën, ndërsa sulmoi kryeministrin, duke e cilësuar burracak.

“Ne jemi përsëri këtu për të denoncuar një tjetër akt vandal, antikushtetues, kriminal, të një qeverie kriminale. Ky vendim, kjo VKM shkel rëndë Kushtetutën dhe ata që e bëjnë këtë janë ca burracakë. Kryeministri nuk e firmos vetë, por ia lë ca të tjerëve, si burracak. Nëse ai ka guxim të firmosë vetë”.

“Ata që kanë firmosur për reformën në drejtësi, të dalin me fytyrën e vetë dhe të thonë se kjo reformë nuk po funksionon. Ne nuk dorëzohemi. Nuk lodhemi, deri sa drejtësia të vijë deri në fund. Jemi që qytetari të fitojë të drejtën e vet. Nuk do të tërhiqemi, në të gjitha instancat shqiptare dhe ndërkombëtare. Jemi për të vendosur drejtësinë në këtë vend, sepse ky shtet ka rënë”, tha Budina.

Exit mobile version