Ballina Aktualitet Aksident tragjik në Kroaci! Autobusi del nga rruga, humbin jetën 10 shqiptarë...

Aksident tragjik në Kroaci! Autobusi del nga rruga, humbin jetën 10 shqiptarë nga Kosova

10 persona raportohet se kanë humbur jetën si pasojë e një aksidenti tragjik që ndodhi mëngjesin e sotëm në Kroaci.

Sipas burimeve, autobusi i aksidentuar është me tabela të Kosovës dhe se vinte nga Frankfurti në drejtim të Kosovës.

Mediumi index.hr ka bërë të ditur se, 45 persona janë pranuar në spital për shkak të këtij aksidenti.

Drejtori i spitalit, Josip Samardžić, ka thënë se 45 persona janë pranuar në spital që nga ky mëngjes, të cilët kishin kërkuar ndihmë mjekësore pas një aksidenti të rëndë në autostradë afër Slavonski Brod.

Ndërsa, tetë prej tyre janë plagosur rëndë. Këtë mëngjes rreth orës 06:20 në autostradën afër Slavonski Brod, pranë stendave të taksave në korsinë jugore, një autobus me targa të Kosovës ka dal nga rruga, si pasojë 10 persona kanë vdekur.

Njëri nga udhëheqësit e policisë në vendin e ngjarjes ka rrëfyer për rastin, të cilin e ka vlerësuar nga më të rëndat deri tani.

“Unë kam qenë në shumë aksidente, por ky është me të vërtetë i rëndë dhe mendoj se është ndër aksidentet më të rënda që kam parë. Autobusi ishte plot, por nuk mund të them nëse kishte fëmijë mes të vdekurve ose të plagosurve. Sipas udhëtarëve, kishte mbi 60 persona në autobus”, tha Galic.

Exit mobile version