Vendimi për Teatrin/ Budina: Qeveria po pështyn në fytyrën e drejtësisë!

Regjisori i njohur, Edmond Budina e ka cilësuar vendimin e qeverisë që miratoi fondin për ndërtimin e Teatrit të ri si pështymë në fytyrën e drejtësisë dhe një turp të madh.

Sipas tij, ky vendim pa pritur vendimin e Gjykatës Kushtetuese, është dhunë ndaj sistemit të drejtësisë. Budina theksoi se do të vazhdojnë luftën dhe se do ta ndërkombëtarizojnë çështjen.

Ndërsa avokatja Adriana Kalaja i ka kërkuar Gjykatës Kushtetuese të përshpejtojë procedurat për marrjen e vendimit për padinë e Ilir Metës për Teatrin Kombëtar.

Kalaja thotë se Qeveria dhe Bashkia nuk e konsiderojnë fare Gjykatën Kushtetuese, pasi në vend të presin vendimin, po vijojnë me procedurat për ndërtimin e Teatrit të Ri.

Kalaja i ka bërë thirrje të veçantë për ambasadoren amerikane, Yuri Kim për t’u prononcuar e bërë presion për këtë çështje në mënyrë që të respektohet Gjykata Kushtetuese.