Ballina Politikë Komisioneri për Zgjerimin nesër në Tiranë, do të takohet edhe me Bashën

Komisioneri për Zgjerimin nesër në Tiranë, do të takohet edhe me Bashën

Hearing of Oliver VÁRHELYI , Commissioner-designate, Neigbourhood and Enlargement - Arrival - Opening statement - Q&A session

Komisioneri për Çështjet e Zgjerimit të Bashkimit Evropian, Oliver Varhelyi, vjen nesër në Tiranë. Ai do të takohet me kryeministrin Edi Rama, si dhe me kryetarin e PD, Lulzim Basha.

Vizita e zyrtarit të lartë europian në Shqipëri, vjen në kuadër të turit në Ballkan me fokus ndihmën e BE-së në përballimin e pandemisë.

Gjatë vizitës në rajon, Varhelyi do të bisedojë me zyrtarët vendas për pandeminë e koronavirusit dhe mbështetjen e BE-së në këtë kontekst, thuhet në njoftimin e KE.

Varhelyi, do të vizitojë po ashtu Maqedoninë e Veriut dhe Serbinë, ku do të bisedojë me zyrtarët vendas për pandeminë e koronavirusit dhe mbështetjen e BE-së në këtë kontekst.

Bashkimi Evropian është angazhuar në mënyrë intensive që të mundësojë dërgimin e vaksinave kundër Covid 19 në Ballkanin Perëndimor. Më të fundit, ishin rreth 651 mijë doza të vaksinave Pfizer/BionTech, të destinuara për vendet e rajonit. Qëllimi i dërgesës së këtyre vaksinave është imunizimi i profesionistëve shëndetësorë dhe grupeve tjera me përparësi.

Dozat në fjalë vijnë direkt nga BE-ja, dhe janë të pavarura nga programi COVAX, i Organizatës Botërore të Shëndetësisë, i cili ka për qëllim shpërndarjen e vaksinave në vendet e varfra. Vizita e Varhelyit vjen sakaq edhe në një moment kur shfaqja e dy ‘non paper-ave’ me ide për zgjidhjen e çështjeve të hapura në Ballkanin Perëndimor shkaktuan reagime të forta, por nuk dihet ende nëse komisioneri do ta prekë këtë çështje në takimet e tij.

Exit mobile version