BE e thotë troç: Përparimi i vendit drejt BE varet nga zhvillimi siç duhet i këtyre zgjedhjeve

Përmes një videomesazhi në ‘Twitter’, ambasadori i BE, Soreca thekson se qytetarët kanë fuqinë të vendosin kush do t’i përfaqësojë.

“Sot është dita e fundit e fushatës elektorale në Shqipëri. Nesër është heshtje zgjedhore. Ndaj do të doja që ta shfrytëzoja rastin për të drejtuar një mesazh para ditës së zgjedhjeve. Më 25 prill ju keni fuqinë të vendosni se kush do t’ju përfaqësojë në parlamentin e ardhshëm. Kush do të bëjë ligjet që do të ndikojnë në jetën tuaj dhe kush do të vendosë për reformat e nevojshme për integrimin e Shqipërisë në BE. Fuqia juaj demokratike qëndron tek shprehja e vullnetit tuaj lirisht dhe me integritet në qendrën e votimit. Kjo është mënyra se si kujdeseni për familjen, komunitetin dhe të ardhmen tuaj. Në këto zgjedhje fuqia juaj qëndron gjithashtu tek zgjedhja e kandidatit të preferuar që do t’ju përfaqësojë.

Ju nuk mund të anashkaloni këtë mundësi që zëri juaj të dëgjohet. Kjo votë është e juaja, askush nuk mund t’jua marrë. Përparimi i vendit tuaj drejt BE do të varet nga zhvillimi siç duhet i këtyre zgjedhjeve, duke përfshirë respektimin e rezultatit. BE është këtu për të qëndruar pranë Shqipërisë dhe duke e ndihmuar për të realizuar ëndrrën e saj dhe aspiratën e kaq shumë njerëzve në Shqipëri, që t’i bashkohen BE-së. Kjo është arsyeja se pse ditën e zgjedhjeve ne do të jemi në terren me 50 ekipe të delegacionit të BE dhe të SHBA-ve për të qenë me ju për një zhvillim të lirë, të drejtë dhe transparencë për zgjedhjet. Që të punojë për të gjithë demokracia ka nevojë për pjesëmarrjen e të gjithëve. Votoni të dielën dhe bëni durim ndërsa presim rezultatet. Ti vendos, ti vendos (në shqip)”, thuhet në videomesazhin e Sorecës.

Ndërkohë që përveç videos, diplomati i BE shkruan se; “Më 25 prill pushteti demokratik është në dhënien e votës tuaj lirshëm dhe me integritet. Kjo është mënyra se si ju tregoni se kujdeseni për komunitetin tuaj, familjen tuaj dhe të ardhmen tuaj. Kjo votë është juaja, askush nuk duhet ta marrë atë nga ju. Bashkimit Evropian do të qëndrojë pranë jush në ditën e votimeve. Ti vendos! Ti Vendos!”.