“Nuk vazhdohet më me Ramën”, Paloka paralajmëron largime të tjera nga PS e Durrësit: Fitore e thellë në 25 Prill!

Drejtuesi Politik i Qarkut Durrës, Edi Paloka në takimin e radhës me banorë të zonës së Arapaj, duket se ka paralajmëruar largime të tjera nga PS pas largimit të Kërtushës dhe Mazrekut, ku sërisht bëhet fjalë për persona me poste të larta drejtuese pranë PS.

“Ramës kanë filluar t’i ikin dhe funksionarët. Madje njëri prej tyre ishte administrator i kënetës dhe vendosi të largohej. Janë të tjerë që do të ikin prape, të cilët janë dhe në punët të mira, por që thonë se nuk vazhdohet me Ramën. Deri këtu ka arritur puna, kur ikin ata dhe e kanë kuptuar që me Ramën nuk vazhdohet, pjesa tjetër që kanë 8 vjet që provojnë në kurriz “pushtetërimin” e tij, nuk duhet të kenë dilema”, tha Paloka.

Gjithashtu, Paloka në përfundim të takimit theksoi se tashmë janë mazhorancë ata të cilët kërkojnë largimin e Ramës dhe se me 25 prill, duhet të votojnë për këtë ndryshim pasi ndryshimi është i sigurtë që do të vijë.