Kush është autori i sulmit me thikë të 5 besimtarëve myslymanë

Policia e Tiranës ka dhënë një informacion zyrtar në lidhje me gjendje shëndetësore të personave që u plagosën sot me thikë në një xhami dhe jashtë saj në kryeqytet.

Ngjarja e rëndë ndodhi tek Rruga e Kavajës ‘Dine Hoxha’. Burime zyrtare bënë me dije se pesë personat e plagosur janë; D. K., rreth 35 vjeç, S. P., rreth 22 vjeç, M. K., rreth 24 vjeç, K. J., rreth 26 vjeç dhe A. T., rreth 23 vjeç.

Të pesë të plagosurit janë transportuar në spital, kanë marrë ndihmën mjekësore. Kanë dëmtime në gjymtyrë për shkak të përleshjes dhe jo dëmtime në organet kryesore.

Dyshohet se 34-vjeçari Rudolf Nikolli vuan nga probleme të shëndetit mendor. Ky është konkluzioni paraprak, referuar sjelljes së tij në polici.