Shtetasi serb ekstradohet në SHBA pasi akuzohet për mashtrim me vlerë mbi 70 milion dollarë

Serbia ka ekstraduar një person në SH.B.A. pasi u dënua nga juria federale në Dallas për akuzat se mashtroi investitorë në të gjithë globin – disa prej të cilëve janë në veri të Teksasit – me më shumë se 70 milion dollarë.

Skema përfshinte kërkimin e investimeve në opsione binare dhe miniera të kriptomonedhave, u shpreh Departamenti i Drejtësisë i Sh.B.A.
Opsionet binare u reklamuan si “një pagesë mesatare prej 80 përqind dhe premtonte 20 përqind rimbursime për çdo tregti të humbur”. Reklamat mashtruese gjithashtu pretendonin se investitorët mund të “blinin bitcoin me gjysmën e çmimit të tregut” në platformën e saj të minierave kripto, u shpreh departamenti në një deklaratë.

Autoritetet serbe arrestuan Antonije Stojilkoviç, 32 vjeç, në korrik të vitit të kaluar dhe FBI e dorëzoi atë në Qarkun Verior të Teksasit të enjten e kaluar. Ai pretendohet të ketë pasur pesë bashkëpunëtorë serbë dhe një bashkëpunëtor me bazë në SH.B.A.

Departamenti i Drejtësisë pretendon se të pandehurit krijuan aktivitet të rremë tregtar, tërheqje parash dhe transferta.
Nëse dënohet, Stojilkoviç dhe të pandehurit e tjerë përballen me 20 vjet në një burg federal.