Shkodra sërish në protestë: Nuk i trembemi asnjë lloj dhune që vjen nga shteti

Qytetarët në Shkodër kanë nisur që të grumbullohen në sheshin “Luigj Gurakuqi”, ku po protestojnë për vrásjen e të riut Klodian Rasha nga policia, dhe për sjelljen e policisë në tërësi. Shumë prej qytetarëve shprehen se protestojnë për të ardhmen e fëmijëve të tyre, për të cilët kërkojnë që të mos largohen nga vendi.

Qytetarët mbajnë pankarta të shumta në duar, ku thonë se nuk do t’i tremben asnjë lloj dhune që vjen nga shteti, dhe apelojnë për drejtësi.

“Unë protestoj sot për të ardhmen, e ardhmja e fëmijëve, na kanë vrárë shpresën. unë vetë e kam larguar djalim tim nga ky vend, është shumë e dhimbshme. Ne distancohemi nga çdolloj akti dhune, nuk ka asnjë gjë që të na frikësojë ne”, shprehet një zonjë, e cila është në profesion mësuese.

“Ka ardhur puna sot me ju tut policit, jo se po i tutem, por nuk mund të pranojmë këto që bëhen”, thotë një tjetër qytetare.

Ndërkohë që një tjetër zotëri, i cili merr pjesë në protesta tha se ”Shqipëria nuk ka pasur diktaturë, ka pasur vetëm spiunë të komunistëve”.

Në qytetin e Shkodrës ndërkohë është vënë re një prezencë e madhe e forcave të Policisë. Nga ana e tyre protestuesit janë shprehur se distancohen nga çdolloj akti dhune, dhe se qëndresa e tyre do të jetë me mesazhe dhe pa asnjë konfrontim me punonjësit e shtetit.

Një nga thirrjet kryesore të të rinjve është “Ard Veliu dorëhiqu”, thirrje drejtuar kreu të Policisë së Shtetit.

zonja n