Paloka: Për Ramën vlen më shumë një gisht i atyre që mbrojnë pushtetin dhe paratë e tij se sa jeta e mjekëve

Nënkryetari i PD, Edi Paloka ka hedhur akuza ndaj Ramës për sjelljen e tij ndaj trajtimit të mjekëve që po përballen me Covid-19 dhe ku shumë prej tyre kanë humbur jetën.

Duke komentuar dërgimin në Turqi të një polici të plagosur në protestat e fundit, e për të cilin Paloka thotë se i uronte shërim të shpejtë, ai shkruan: “Rama kërkon të tregojë që për të vlen më shumë një gisht i atyre që mbrojnë pushtetin dhe paratë e tij se sa jeta e mjekëve apo gjithë shqiptarëve bashkë…!

Postimi i plotë i Palokës

Nuk kam asgjë me këtë policin, madje i uroj shërim të shpejtë, por po mendoja; sa jetë mjekësh do ishin shpëtuar sikur ky kryeministër të ishte treguar po kaq i gatshëm t’i dërgonte në Turqi?!

A nuk i kemi quajtur ata “heronjtë” që po rrezikojnë (e për fat të keq edhe po humbin) jetët e tyre, për të shpëtuar jetët tona?!

Pse çohet në këmbë gjithë shteti i Ramës për “gishtat e Inës”, po nuk lëvizet gishti për jetën e mjekëve?! Pse?

Për një arsye të thjeshtë, se Rama kërkon të tregojë që për të vlen më shumë një gisht i atyre që mbrojnë pushtetin dhe paratë e tij se sa jeta e mjekëve apo gjithë shqiptarëve bashkë…!

www 1