Këshilli i Europës dënoi dhunën policore ndaj protestuesve, Strazimiri: Dhuna ka emër! Quhet Edi Rama!

Nga Gent STRAZIMIRI

Evropa njëzëri, në nivel legjislativ dhe ekzekutiv ka dënuar:

Dhunën policore ndaj protestuesve dhe gazetarëve!

Është një grusht frontal në fytyrën e pafytyrë të Edi Ramës e në barkun e tij të pangijshëm!

Është akuzë evropiane drejtpërdrejt ekzekutorëve të dhunës policore sistemike, me plan masash dhe plane operacionale, për Ardi Veliun dhe cilindo prej atyre që kanë vënë firmat nën to!

Evropa e ka ngritur akt-akuzën e saj, në një tempizëm perfekt me akt-akuzën që Partia Demokratike dërgoi në SPAK për të njëjtin ekzekutor, i cili duhet të përgjigjet edhe për

mbrojtjen kriminale ndaj policit vrasës,

fshehjen kriminale të dinamikës së ngjarjes përmes komunikata zyrtare të policisë,

dezinformimin kriminal të opinionit publik në lidhje me personalitetin e viktimës.

Deri tani:

Përgjegjësia penale ka emër dhe quhet Ardi Veliu & co!

Dhuna ka emër dhe quhet Edi Rama!

Liria gjithashtu ka emër, quhet: Rini protestuese!