Protestë edhe në Londër, të rinjtë rrethojnë ambasadën shqiptare: T’i jepet fund dhunës policore në Shqipëri

Ndërsa në Tiranë po zhvillohet dita e 5-të e protestës pas vrasjes së Klodian Rashës nga policia, një grup shqiptarësh janë mbledhur në ambasadën tonë në Londër për të shprehur dhe ata indinjatën e tyre ndaj ngjarjes së rëndë në Tiranë.

Me sloganet e tyre në duar si “Jepini fund dhunës policore”, apo edhe “Unë jam Klodiani”, të rinjtë tubuan paqësisht përballë ambasdës shqiptare në Londër.

Në shkallët e ambasadës janë ndezur edhe qirinj në kujtim të 25-vjeçarit që u vra nga arma e një polici orët e para të 8 dhjetorit.