Kreu i Partisë Agrare Ambientaliste, Agron Duka ka rezultuar pozitiv me Covid-19.
Lajmi është bërë i ditur nga zyra për shtypin e kësaj force politike, ndërkohë që mësohet se pas përgjigjes së tamponit, Duka është karantinuar.
Gjendja e tij shëndetësore paraqitet e mirë deri në këto momente, siç raportojnë të njetjat burime.
Ai ka dhënë edhe një mesazh politik për të gjithë qytetarët, duke e vënë theksin tek respektimi i masave anticovid për mbrojtjen e vetes dhe të tjerëve.
Nga dita e sotme hyjnë në fuqi dhe masa të tjera shtrënguese siç është ndalimi i tubimeve politike, apo takimeve elektorale, si dhe grumbullimet e më shumë se 10 personave.