Berisha i përgjigjet Vuçiç: Nëse do luftë, i them këtij Millosheviçit në miniaturë, se…

Ish-kryeministri Sali Berisha në ‘Çim Peka LIVE’ ka folur mbrëmjen e sotme në SYRI TV në lidhje me deklaratën publike të Aleksandër Vuçiç se nëse nuk gjendjet zgjidhje me Kosovën, vendet mund të shkojnë në luftë.

Vuçiç mori shembull luftën në Nargoni-Karabak, duke nënkuptuar për Serbinë dhe Kosovën.

Duke folur në ‘Çim Peka LIVE’, ish-kryeministri është shprehur se Serbia ka humbur çdo luftë. Ai është shprehur se nëse Serbia kërënon me luftë, Rajoni ka të drejtë ta bëjë zap në çdo drejtim.

‘Kosova duhet të forcojë mbrojtjen e saj. Kosova nuk do luftë, luftën e përmendi ai në Beograd. Po i them këtij millosheviçit në miniaturë, se vendi yt nuk ka fituar asnjë luftë. Nëse ka një vend në Europë që ka humbur çdo luftë, ai vend quhet Serbi.

Po ndërmore një aventurë tjetër, do të vesh në lojë ekzistencën e atij vendi. Ai kërcënon me këtë fjalë Kroacinë, Bosnjen, Malin e Zi. Ai sot ka nxjerrë fytyrën e vërtetë, se është i rrezikshëm për Rajonin, ashtu siç ka qenë babai i tij.

Rama? Çfarë do të thotë. Ai pret tekstin nga Beogradi për të folur. Meqenëse argati i tij është në Hagë, ai e di se me këta që janë në krye të Kosovës, nuk ka pazare.

Udhëheqja politike e Kosovës sot është tjetër. Kryeministri aktual e udhëhoqi procesin në mënyrën më dinjitoze dhe bazuar në Kushtetutën e Vendit. Albin Kurti besoj se ka teza të qarta në këtë çështje. Ramush Haradinaj, i ka bërë të ditur tezat e tij me kohë.

Kjo është një zile që duhet të zgjojë dhe të bëjë të vetëdijshëm shqiptarët se Serbia është e aftë të fillojë çdo luftë, por i duhet rezervuar lufta finale, humbja e saj.

Nëse Serbia kërcënon me luftë, Rajoni ka të drejtë ta bëjë zap në çdo drejtim’, u shpreh ish-kryeministri Sali Berisha në SYRI TV.