Ballina Sport Guardiola kontakton Mesin, ka një pakt mes tyre?

Guardiola kontakton Mesin, ka një pakt mes tyre?

Pep Guardiola raportohet të ketë biseduar me Leo Messin dhe dëshiron që të ribashkohet me të te Manchester City, raporton Goal.

Gjashtë herë fituesi i Topit të Artë ka bërë kërkesë zyrtare për t’u larguar nga Barcelona, me ç’rast ka kërkuar aktivizimin e klauzolës që do ta lejonte largimin e tij si lojtar i lirë, transmeton KOHA.

Në anën tjetër Barcelona insiston se në kontratën e tij ai ka klauzolë largimi prej 700 milionë euro. Kantrata aktuale e tij i skadon më 2021.

Guardiola është shumë i interesuar që ta transferojë 33 vjeçarin te City, që është njëra ndër klubet e pakta që mund të përballojë pagën e argjentinasit.

Raportet e tyre mbesin ende shumë të afërta, pasi më parë kishin punuar së bashku te Barça.

Guardiola kishte menaxhuar Messin për katër vjet, 2008-2012.

Ende nuk ka ndonjë ofertë zyrtare nga City dhe një transferim i Messit do të ishte shumë kompleks, duke pasur parasysh detajet financiare të përfshira.

Për të raportohet se janë të interesuara edhe Unitedi, Interi e PSG-ja.

Exit mobile version