Ballina Bota & Rajoni Dyndja nëpër plazhe, Greqia raporton rritje të ndjeshme të infektimeve me koronavirus

Dyndja nëpër plazhe, Greqia raporton rritje të ndjeshme të infektimeve me koronavirus

Autoritetet shëndetësore në Greqi thanë se ka pasur 97 raste të reja me koronavirus që nga e enjtja, nga të cilat 52 në 24 orët e fundit, rritja më e madhe ditore që nga 23 prilli.

Tridhjetë nga 97 rastet përfshijnë udhëtarët e ardhur nga jashtë, thanë autoritarët.

Rritja në raste ka çuar në vendimin për të rifilluar njoftimet ditore, të cilat ishin braktisur dhe që tani duket si veprim i nxituar.

Meqenëse numri i infeksioneve nga koronavirusi tregoi një rritje të papritur në ditët e shkuara në Greqi, autoritetet shëndetësore po rifillojnë paralajmërimet e përditshme publike për t’i sensibilizuar grekët për rrezikun që u kanoset nga mosrespektimi i masave.

“Ne duhet të jemi në gatishmëri, duhet të jemi vigjilentë dhe duhet të kuptojmë se çështja e evolucionit të virusit lidhet me secilin prej nesh individualisht,” tha Zv.Ministri i Mbrojtjes Civile Nikos Hardalias për Agjencinë e Lajmeve Athinë-Maqedoni të hënën.

“Virusi është në rënie, por kjo nuk do të thotë se ka ikur”, paralajmëroi ai, ndërkohë që grekët ishin dyndur në plazhe dhe në pikat e pushimeve për fundjavë.

Duke komentuar vendimin e Organizatës Kombëtare të Shëndetit Publik (EODY) për të rifilluar paralajmërimet e përditshme – që ishin zëvendësuar shkurtimisht nga një njoftim javor në fillim të qershorit, kur Greqia po tregonte normë të ulët të rasteve të reja – Zv.ministri Hardalias tha se “nëse çdo qytetar zbaton masat paraprake të sigurisë, do të jetë shumë më e lehtë për të parandaluar grupimet dhe ngarkesat virale”.

Exit mobile version