Ballina Aktualitet Deklarata e fortë e analistit ndaj Ramës: Ti ke vrarë demokracinë, do...

Deklarata e fortë e analistit ndaj Ramës: Ti ke vrarë demokracinë, do kesh fatin e diktatorëve…

Kryeministri Edi Rama në një debat me analistin Agron Gjekmarkaj tha në emisionin “Real Story” se je shumë rëndë, flet përçart, jo nga dhuna, por nga dështimi i turpshëm i atij skenari që dilni si viktima.

Gjekmarkaj duke iu drejjtuar Ramës, i tha se është diktator dhe nuk uronte kurrë që të kishte fatin e një diktatori.

“Uroj që Jezu Krisht të të kthejë në rrugën e drejtë. Ke provokuar një popull të tërë, rrethohesh nga mafiozë, kjo nuk ishte Policia e Shtetit, por policia e Edi Ramës. Ti po dhunon gjithçka të mundshme, sikur të jesh në Amerikën Latine”, tha Gjekmarkaj.

Ndërsa Rama duke iu drejtuar Gjekmarkajt, tha se të vetmet shenja dhune në atë protestë, janë ato rrahjet mes njëri-tjetrit.

“Ligji në Shqipëri ka vdekur, ti je dhunues, ke uzurpuar Parlamentin. Ke vrarë demokracinë në Shqipëri”, tha Gjekmarkaj.

Pjese nga debati

Gjekmarkaj: Shfaqja e policisë ka qenë skandaloze. Është sjellë si një organizatë terroriste.

Lela: Sikur ta bëje kryeministirn part-time është fantastike. Bëj gastorin.

Gjekmarkaj: Ju e keni ndarë mendjen që pasi të mbaroni këtë mandat do të ikni nga Shqipëria. Të çoni një mijë policë për pesë artistë mbi 50 vjeç këtë e bëni vetëm për mesazh. Ky është mesazhi i frikës për qytetarët në lidhje me zgjedhjet që po vijnë.

Lela: Polici me mercenarë në mes të ditës. Ka rrahur të rinj në mënyrë shtazarake. I ke ardhur edhe botës në majë të hundës. Siç thua edhe vetë frigorifer në frigorifer. Jam i dhunuar në vendin tim.

Rama: Ta marr fjalën zoti prokuror!

Lela: Jam i dhunuar. I kërkoj ndjesë qytetarëve jo këtij njeriut këtu për tonin.

Rama: Ata janë prekur aq shumë sa nuk dinë çfarë flasin. Një viktimë e dhunës nuk dhunon të tjerët.

Lela: Kë dhunova unë? Po akuzoni!

Rama: Një viktimë e dhunës që i jepet mundësia të ketë audiencë, i mungon edukata në mënyrë skandaloze. Sillu si i dhunuar jo si aktor i dhunës.

Lala: Pse duhet të sillem si i krishterë kur ju jeni xhahili.

Rama: Jeni viktima imagjinare të një regjimi imagjinar.

Gjekmarkaj: Ajo ishte terrorizëm shtetëror. Ju duhet të kërkoni falje.

Rama: Policia e Shtetit nuk është leckë.

Exit mobile version