“Nuk qaj tek dera jote”…/ Pollo reagon ndaj Ramës

“Ne nuk do të qëndrojmë te dera e Evropës dhe të qajmë”, deklaroi kryeministri Rama për AFP, por ka reaguar ish-deputeti i PD, Genc Pollo.

Ish-deputeti Pollo deklaron se, Rama në vend që të thotë “do të përmbushim kushtet e Bundestagut apo do çojë për ndjekje penale vjedhësit e votave”, bën të fortin.

Sipas tij, kjo deklaratë nga kreu i qeverisë e vështirëson edhe më shumë integrimin e Shqipërisë.

Reagimi i Genc Pollos

Fare mirë mund të kishte thënë se “do të përmbush kushtet e Bundestagut si p.sh do të bëj zgjedhje parlamentare mbas miratimit të reformës zgjedhore; do të çoj për ndjekje penale ofiqarë rilindistë që kanë vjedhur votata etj, etj. Jo vetëm se i shërbejnë vendit por edhe se çelin portën e Bashkimit Europian”.

Nuk e thotë këtë por bën të fortin.

Mbas përfshirjes së qeverisë në korrupsion të lartë e krim të organizuar arroganca me ”nuk qaj tek dera jote” e vështirëson më tej integrimin europian të Shqipërisë”. GP