Grabitja/ Maskat dhunojnë dhe i presin flokët të zonjës së shtëpisë

Një ngjarje e rëndë ka ndodhur në Librazhd, ku persona të paidentifikuar kanë ushtruar dhunë ndaj anëtarëve të një familjeje brenda banesës së tyre.

Burimet bëjnë me dije se, ngjarja ka ndodhur rreth orës 23.30 në fshatin Marinaj, Njësia administrative Librazhd Qendër, ku disa persona të maskuar kanë hyrë me forcë në banesën e shetasit F. G dhe kanë keqtrajtuar familjarët.

Sipas burimeve, maskat kanë dhunuar të zonjën e shtëpisë, Jetmira Gega, të cilës dyshohet se i kanë prerë edhe flokët.

Bëhet e ditur se, bashkëshorti nuk ishte në shtëpi në momentin që maskat kanë ushtruar dhunë dhe terror ndaj familjarëve.

Policia tha se, po punon për zbardhjen e ngjarjes, ndërsa mbetet e paqartë nëse kemi të bëjmë me një tentativë për grabitje, apo autorët kanë pasur konflikte të mëparshme me këtë familje.

Ngjarja

Detaje tronditëse kanë dalë në pah nga grabitja e ndodhur në fshatin Marinaj të Librazhdit mbrëmjen e djeshme.

Sipas burimeve të Fax Web, persona të paidentifikuar kanë hyrë në banesën e familjes Gega dhe kanë dhunuar familjarët. Mësohet se pre e dhunës ka rënë e zonja e shtëpisë, Jetmira Gega, e cila është edhe shtatzënë.

Ajo ka qenë në shtëpi bashkë me dy fëmijët e saj në momentin që maskat kanë mësyrë brenda. Burimet bëjnë me dije se personat e maskuar kanë dhunuar dhe i kanë prerë flokët Jetmira Gegës. Bashkëshorti i saj nuk ishte në banesë në momentin e ngjarjes, pasi punon roje në një HEC.

Jetmira Gega fillimisht ka njoftuar kryeplakun e fshatit për ngjarjen, ndërsa në banesë janë paraqitur edhe forcat e policisë.

Gega është transportuar në spital për të marrë ndihmë mjekësore, ndërsa i është marrë edhe dëshmia. “Ishin dy burra, ishin të gjatë, mbanin maska. Njëri prej tyre kishte edhe pistoletë”, mësohet të ketë thënë Jetmira Gega.

maskat