Ballina Politikë Rama në spital, nuk përmbahet: Si katunar që jam, nesër do…

Rama në spital, nuk përmbahet: Si katunar që jam, nesër do…

Kryeministri Rama mori pjesë në ceremoninë e inaugurimit të spitalit të ri për kirurgjinë. Fjalën e tij Rama e nisi duke treguar një episod nga periudha kur ishte kryebashkiak i Tiranës.

“Kafazin e luanit e kishin shtruar me të një pllaka dhe praktikisht e kishin vendosur luanin në një pozitë që në asnjë xhungël nuk ishte vendosur specia e tij sepse nuk ecte dot, rrëshqiste dhe ishte bërë gjysmë delfin. Natyrisht rrëfimi im i përket kohës kur demokracia erdhi bashkë me pllakat nga Turqia kundër atyre uniformë të bardha që prodhoheshin në vend”, u shpreh Rama.

Spitalin e ri, i cili ka marrë emrin “Frederik Shiroka”, Rama e cilësoi si investimin më të madh në 90 vitet e shëndetësisë shqiptare.

“Por ia vlen t’i kthehemi një moment për të parë më mirë se pse duhet kohë për të ardhur në këtë spital që është vepra më e madhe e 90 viteve në shëndetësinë e vendit. Për nga cilësia dhe kapaciteteve teknologjike që vendosen në dispozicion të mjekëve. Ndihem shumë i nderuar dhe nuk ka kompliment më inkurajuese sesa fjalët e profesorit që ka shoqëruar një periudhë të rëndësishme të kirurgjisë. Nuk mbaron këtu se ëndrra ime ka qenë që QSUT të transformohet. Sot spitali i kirugjisë ka përfunduar, por QSUT është një kantier.

Enden shumë njerëz nëpër këmbë gjë që nuk ndodh në sitalet normale, për të kuptuar që është nevoja në punën transformuese. Jo vetëm puna në vazhdim me spitalin e sëmundjeve të brendshme apo me pediatrinë, por edhe puna megjithë pjesën e jashtme për të pasur më në fund një parkim që do i grumbullojë të gjitha mjetet në hyrje.

Jam shumë i vetëdijsëm për faktin që shëndetësia nuk është vetëm spitali kryesor i vendit. Është një rrjedhë i tërë shërbimi, për ta lehtësuar këtë kryesorin. Deri më pak vite më parë ëtu ishte edhe shërbim parësor edhe urgjencë për të gjitha llojet e rasteve. Lehtësimi i kësaj barre për krijimine gjithë sistemit rreth e rrotull është pjesë e gjithë këtij procesi.”, u shpreh Rama.

Ndërsa gjatë fjalës së tij, kreu i qeverisë edhe këtë herë nuk hezitoi me një batutë para të pranishmëve.

“Si një katunar që jam nga një katund këtu afër gjëja e parë që do bëj do sjell një varg me hudhra. Ne katunarët siç i thonë nuk kina shkollë por kina eksperiencë. Hudhrat do i sjellë nesër që mos ju marrin në syshë”, u shpreh kryeministri./abcnews.al

Exit mobile version