Kajmaku i Ramës në “arrati”, Gjykata shtyn seancën…

Është shtyrë seanca për ish kreun e bashkisë Vorë, Agim Kajmakun. Gjykata ka kërkuar që të gjithë provat të sillen në mënyrë e kërkuar nga ligji. Shtyrja e seancës është kërkuar nga avokati i Kajmakut për të paraqitur provat. Seanca tjetër do të zhvillohet në datën 28 janar në orën 11.30.

Kryebashkiaku i Vorës ndodhet në arrati, dhe ende nuk i është dorëzuar organeve të drejtësisë. Ai u akuzua se kishte fshehur në formularin e dekriminalizimit, dënimin në shtetin grek, për falsifikim dokumentesh.

Kajmaku kërkon ndryshimin e masës së sigurisë

Do të ndryshojë masa e sigurisë arrest me burg ndaj ish-kryebashkiakut socialist të Vorës Agim Kajmaku? Vendimi jepet këtë të hënë në një seancë me dyer të mbyllura nga gjyqtari i Gjykatës së Tiranës Kujtim Vraniçi, i njëjti që ka dhënë masën ‘arrest në burg’ për ish-kryebashkiakun, dy muaj më parë.

Agim Kajmaku, person në arrati, akuzohet nga prokuroria për tri vepra penale “Shpërdorim detyre”, “Falsifikimi i formularëve” dhe “Ushtrimi i funksioneve pas dhënies fund të detyrës”.

Prokuroria ka bërë me dije në rrugë zyrtare se Kajmaku kërkohet në lidhje me hetimin e nisur ndaj tij për falsifikim të formularëve, denoncuar së pari nga opozita që ngriti zërin gjatë verës dhe tregoi që Agim Kajmaku kishte qenë i dënuar në Greqi. Ai nuk e kishte raportuar këtë fakt në formularët e dekriminalizimit. Për këtë shkak, u shkarkua nga KQZ nga detyra e kryebashkiakut.

Nga ana tjetër, prokuroria pohon se ai është nën hetim edhe për ushtrim të funksioneve pas dhënies fund të detyrës duke qenë se ka shkarkuar dy nënkryetarë te bashkisë pikërisht ditën kur komisioni qendror i zgjedhjeve i ndërpreu unanimisht mandatin si edhe ka shpërdoruar detyrën. Lidhur me këtë akuzë, avokati i Kajmakut pretendon se këto dy lëvizje janë bërë më 31 Tetor.

auto kajmaku rama1573122483