Ballina Aktualitet 200 dosje për pasojat e tërmetit në Durrës, pse nuk arrestohen...

200 dosje për pasojat e tërmetit në Durrës, pse nuk arrestohen zyrtarët që mbajnë përgjegjësi?

Mbi 200 dosje të objekteve të shpallura të pabanueshme në Durrës vazhdojnë t’i nënshtrohen hetimit të Prokurorisë dhe Task Forcës ngritur për përgjegjësitë njerëzore pas tërmetit të 26 nëntorit.

SYRI TV dhe SYRI.net ka kontaktuar me drejtuesen e Prokurorisë Durrës, Anita Jella të cilës po ashtu i është dëmtuar apartamenti i saj në një prej ndërtimeve pas vitit 2000.

Ajo konfirmoi që hetimet janë në proces pavarësisht vonesës së deri tanishme për shkak dhe të mbylljes së institucioneve ne fundvit, hetimet janë drejt finalizimit për të bërë dhe shoqërimin e grupit të radhës.

Sipas grupit hetimor polici-prokurori mësohet se është urdhëruar sekuestro e dosjeve me lejet e ndërtimi, raporti i institutit sizmiologjik për këto ndërtime, raporti i kolaudimit nëse është respektuar apo jo leja e dhënë dhe parametrat teknikë për konstruksionin metalik dhe betonin.

Gjithashtu drejtuesja e Prokurorisë Durrës, Anita Jella konfirmoi se 17 shoqërimet e bëra ditën e djeshme nuk kanë të bëjnë me shoqërimet për përgjegjësitë njerëzore pas tërmetit të 26 Nëntorit, por janë në vazhdën e një tjetër misioni nga ana e prokurorisë.

Exit mobile version