Ballina Politikë “E ka të pamundur… Nuk i koncepton dot zgjedhjet edhe në PS...

“E ka të pamundur… Nuk i koncepton dot zgjedhjet edhe në PS pa manipuluar”, Paloka ironizon Ramën

Më 16 nëntor socialistët zhvilluan zgjedhjet për delegatët e Kongresit, i cili ka tagrin të zgjedhë Kryetarin e PS-së dhe forume të tjera drejtuese në këtë parti.

Nga ajo çfarë është raportuar, rezulton se në mjaft degë ka pasur manipulime lidhur me rezultatet.

Video të publikuara tregojnë se si drejtues të degëve apo strukturave manipulojnë rezultatet, duke plotësuar vetë fletët e votimit.

Lidhur me disa video që qarkullojnë, të publikuara nga Shijak TV, nënkryetari i PD-së, Edi Paloka, në një koment në rrjet shkruan se Rama i manipulon zgjedhjet edhe brenda partisë së tij.

“E ka të pamundur …Nuk i koncepton dot zgjedhjet pa manipuluar. I manipuloi me 30 qershor kur “konkurronte” me veten. I manipulon pa skrupuj fare edhe brenda partisë së tij.

Të gjithë këta që po “punojnë” këtu, duket që janë bërë specialistë, manipulimi i votave ju është bërë rutinë…”, shkruan Paloka.

https://www.youtube.com/watch?v=T6A2pGSETSs&feature=emb_title

https://shijaktv.al/2019/11/ekskluzive-zgjedhjet-brenda-ps-ja-si-u-manipuluan-votimet-per-delegatet/?fbclid=IwAR2wEKY-YpzE0TfcsGVSsdnMGpCp7Sc0bdwg9OWt6XVZIJOP5lg_ibKDb8E

Exit mobile version