Përse Barcelona dëshiron Neymarin kur ka Fatin?

Gjashtëmbëdhjetë vjeçi Ansu Fati është ylli që tashmë ka shndritur në këtë fillim të sezonit në La Liga, pas vetëm tri ndeshjeve me Barcelonën. I lindur në Bissau më 2002, ai dhe familja e tij u zhvendosen në Sevilla kur ai ishte vetëm gjashtë vjeç, ku edhe i ra në sy Barçës.

Në ndeshjen e tij të parë si titullar për gjigantin katalonas këtë të shtune, Fati shënoi një gol dhe dha një asist brenda gjashtë minutave.

Me formën që po e tregon, është e vështirë ta kuptosh përse Barcelona u përpoq ta transferojë Neymarin nga PSG-ja këtë verë në radhë të parë, veçanërisht duke e parë çmimin e lartë të brazilianit.

Barça do të përpiqet përsëri në janar ta kthejë Neymarin në klub, por Fati është duke i dhënë klubit shumë arsye për të hequr dorë nga braziliani, sipas MARCA.

1.Çmimi i Neymarit

Barcelonës do t’i duhet të shpenzojë shumë për ish-sulmuesin e vet, ndërsa adoleshenti fati ka dalë nga akademia e klubit.

  1. Fati është i parapëlqyeri

Nuk ka dyshim se Fati tashmë është i parapëlqyer i tifozëve në Camp Nou, të cilët ndihen të tradhtuar nga Neymar që e braktisi klubin para dy vjetëve.

  1. Lionel Messi

Messi e ka dhënë vulën e aprovimit për Fatin, e cila u bë publike kur një fotografi e tyre duke u përqafuar u shfaq në rrjetet sociale pas debutimit të Fatit kundër Real Betisit. Edhe Neymar dëshirohet në klub nga Messi, megjithatë.

  1. Neymar do ta pamundësonte zhvillimin e Fati

Transferimi i Neymarit do të ishte pengesë e patejkalueshme për Fatin. Gara për një vend në formacionin e parë do të ishte tepër e fortë për Fatin, i cili do të ngecte ose do të detyrohej të largohej.

  1. Një triumf tjetër për La Masia

Pas kritikave në vitet e fundit, gjërat kanë nisur të duken më mirë për akademinë La Masia dhe Fati është ndër pikat shndritëse të saj.