Dokumentat! Kajmaku i arrestuar në 2003 në Greqi për para të falsifikuara, ligji grek parashikon 10 vjet burg

Ky është dokumenti i plotë i Prokurorisë dhe vendimi i Gjykatës së Janinës, Greqi, për të arrestuarin Agim Kajmaku në vitin 2003 për krimin e përdorimit të parave të fallsifikuara, nën identitetin Jorgo Toto, me atesi Thanas dhe amësi Parashevi.

Dokumenti u publikua sot nga Partia Demokratike si një provë e pakundërshtueshme që kryebashkiaku i zgjedhur nga Edi Rama për bashkinë e Vorës, është tashmë i rrëzuar në bazë të ligjit të dekriminalizimit.

Partia Demokratike ka publikuar dokumentet që tregojnë se Kajmaku i Ramës është arrestuar nga policia greke për falsifikim parash.

Në një deklaratë nga selia blu, Bardhi, duke iu referuar një vendimi të gjykatës së Janinës, tha se nën emrin Jorgo Toto, Kajmaku u arrestua në Janinë në janar 2003 dhe më pas u arratis nga shteti grek, duke iu shmangur drejtësisë. Bardhi kërkoi dorëheqjen e Kajmakut nga posti i kryebashkiakut, që e mori pas votimeve të 30 qershorit.

Ai akuzoi dhe kryeministrin Rama se ishte në dijeni të precedentëve të Kajmakut, megjithatë e kandidoi si kryebashkiak, pasi ai i siguronte vota. Bardhi i bëri thirrje autoriteteve ligjzbatuese shqiptare të veprojnë për rastin e Agim Kajmakut.

1 19

2 18

3 15

4 11

5 8

6 8

7 5

8 2

9

3 15 10