Rama tërhiqet nga bllokimi i buxhetit, Kryebashkiakia Ademi: Vepruan me e-maile, rast i paprecedent dhe politik…

Në përgjigje të interesit të gazetareve, gjatë një inspektimi të punimeve që po kryhen ne territor me të ardhurat e vetë qeverisjes vendore, kryetarja e Bashkisë Shkodër Voltana Ademi i është përgjigjur interesit të gazetarëve për çështjen e bllokimit të veprimeve në Degën e Thesarit Shkodër.

Kryebashkiakja e ka konsideruar të paprecedentë veprimin e Ministrisë së Financave, me qasje partiako-politike dhe që dëmton Shkodrën e shkodranët përmes bllokimit të investimeve dhe shërbimeve me të ardhurat e vetë Bashkisë.

“Ne operojmë me fondet e familjes sonë, të banorëve të Shkodrës, si një familje e madhe. E vetmja bashki në Shqipëri që mbahet me atë se çfarë banorët e Shkodrës kontribuojmë përmes taksave dhe tarifave vendore. Bllokimi për një ditë nuk i bën asgjë Shkodrës. Është një çështje që do të shqyrtohet shpejt nga Ministria e Financave dhe maksimumi ajo mund të pengojë biznesin për përfitimet që duhet të marrin, por edhe banorët për shërbimet që duhet të marrin.

Veprimi është i paprecedentë, është politik në atë që kam lexuar nuk mund ta imagjinoj që një nëpunës civil të shprehet për mandate politike lidhur me një bashki. Është një tagër që nuk i takon. Është përgjegjësi institucionale dhe individuale, në atë që ata kanë shkruar me e-mail me bashkinë e Shkodrës. Nuk ka komunikim zyrtar, është e pamoralshme”, tha Voltana Ademi.

Ademi theksoi në fund të prononcimit të saj se, shpreson në një reflektim të ministres së Financave për të vijuar normalisht investimet dhe shërbimet e planifikuara në bashkinë e Shkodrës.

INTERVISTË E KRYETARES SË BASHKISË SHKODËR PËR GAZETARËT

Në pergjigje të interesit të gazetareve, gjatë një inspektimi të punimeve që po kryhen ne territor me të ardhurat e vetë qeverisjes vendore, kryetarja e Bashkisë Shkoder zj. Voltana Ademi i është përgjigjur interesit të gazetarëve për çështjen e bllokimit të veprimeve në Degën e Thesarit Shkodër.Kryebashkiakja e ka konsideruar të paprecedent veprimin e Ministrisë së Financave, me qasje partiako- politike dhe që dëmton Shkodrën e shkodranët përmes bllokimit të investimeve dhe shërbimeve me të ardhurat e vetë Bashkisë. Zj. Ademi ka thënë se shpreson në një reflektim të ministres së Financave si profesioniste e fushës për të vijuar normalisht investimet dhe shërbimet e planifikuara në Shkoder.Ne pergjigje te interesit te gazetareve, zj. Ademi ka trajtuar edhe ceshtje te tjera me interes per Shkodren dhe Shqiperine.

Gepostet von Bashkia Shkodër am Mittwoch, 21. August 2019