Kosovë, zgjedhje të jashtëzakonshme më 8 shtator, pritet dekreti i Presidentit

Zgjedhjet e jashtëzakonshme në Kosovë do të mbahen më 8 shtator. Lajmi konfirmohet për RTK nga burime nga Presidenca e Kosovës, sipas të cilave Presidenti Hashim Thaçi ka vendosur që, në përputhje me afatet kushtetuese e ligjore, të shpall zgjedhjet e jashtëzakonshme e të cilat do të mbahen me 8 shtator.

Sipas interpretimeve ligjore, zgjedhjet e jashtëzakonshme duhet të mbahen jo më herët se 30 ditë dhe jo më vonë se 45 ditë.

Por, kjo vlen për datën pas konstituimit të Kuvendit të Kosovës. Këtë herë nuk kemi të bëjmë me konstituimin të ri të Kuvendit, prandaj nuk është e qartë nëse këto afate vlejnë edhe për këto rrethana.